ການຝຶກງານ Upskills ຫຍັງໄດ້ແນ່?

November 13, 2023

Include a personal profile or introduction statement at the top of your resume

Fermentum quis tincidunt nunc dui egestas. Vel fringilla odio amet sed dignissim purus id aliquam commodo egestas parturient viverra tincidunt viverra condimentum adipiscing consectetur placerat odio justo neque neque. Tristique adipiscing purus platea quis blandit sollicitudin tortor magna vulputate condimentum nullam lorem pharetra lorem et urna.

Erat scelerisque eu dui diam varius in proin sit elementum amet vitae et.
Enim elementum bibendum habitasse mauris at amet aliquet morbi risus.
Ipsum ultrices sit massa amet nulla lobortis justo pharetra metus mattis felis.
Tempor sollicitudin et maecenas aliquam turpis suspendisse non eget.

Add an infographic element that displays your best traits and accomplishments

Add Infographic - Jobboardly X Webflow Template — Erat scelerisque eu dui diam varius in proin sit elementum amet vitae et.

Use headings and subheadings throughout your resume to highlight key sections and make the information easier to read

At montes at ut arcu ut faucibus tempor pretium. In lobortis id nisi cursus massa vel volutpat mauris. Turpis vitae mi nibh gravida id adipiscing. Convallis turpis pellentesque bibendum velit facilisi. Quam vitae lacus nullam lorem adipiscing suspendisse quis tortor aenean. Massa ipsum accumsan arcu.

Feugiat in feugiat egestas scelerisque eget phasellus ipsum imperdiet.
Convallis nulla id quis suspendisse enim molestie sed feugiat neque egestas.
Natoque in massa mi quis. Mi amet sed curabitur in urna venenatis sem.
Id viverra sed pellentesque rhoncus eu gravida suscipit et vulputate.

Utilize space by using bullet points to outline skills and job qualifications

“Nec nunc morbi dolor volutpat a ullamcorper fusce gravida condimentum sit turpis nunc est vitae ornare augue odio nec varius sed”

Incorporate visuals and images such as graphs and charts

ການຝຶກງານ Upskills ຫຍັງໄດ້ແນ່?

ເຄີຍສົງໄສບໍ່ວ່າເປັນຫຍັງທຸກສະຖາບັນການສຶກສາບໍ່ວ່າຈະເປັນມະຫາວິທະຍາໄລ, ວິທະຍາໄລ ແມ້ແຕ່ໂຮງຮຽນເຕັກນິກວິຊາຊີບຕ່າງໆ ຈຶ່ງຕ້ອງມີການຝຶກງານເຂົ້າມາຢູ່ໃນຫຼັກສູດ? ຍ້ອນວ່າການທີ່ເຮົາຮຽນຢູ່ພຽງແຕ່ໃນຫ້ອງຮຽນນັ້ນ ນັກສຶກສາຈະໄດ້ຮຽນພຽງແຕ່ທິດສະດີເທົ່ານັ້ນ ເຊິ່ງເມື່ອອອກສູ່ຕະຫຼາດແຮງງານກໍຍາກທີ່ຈະສາມາດນຳເອົາພຽງແຕ່ຄວາມຮູ້ທີ່ຮຽນມາປະຕິບັດວຽກຕົວຈິງໄດ້ ສະນັ້ນ, ແຕ່ລະສະຖາບັນຈຶ່ງມີຄວາມຕ້ອງການໃຫ້ນັກສຶກສາໄດ້ລອງອອກໄປປະຕິບັດວຽກຕົວຈິງຕັ້ງແຕ່ຍັງຮຽນ ເພື່ອທີ່ຈະໄດ້ພັດທະນາທັກສະ ແລະ ສ້າງປະສົບການໃນການເຮັດວຽກໃຫ້ນັກສຶກສາໃນການກຽມຄວາມພ້ອມສູ່ການເຮັດວຽກຫຼັງຈາກທີ່ຮຽນຈົບ.

ເຊິ່ງການຝຶກງານກໍຖືເປັນໂອກາດທີ່ດີໃນການທີ່ເຮົາຈະໄດ້ລອງເປີດປະສົບການໃໝ່ໆ ຈາກໃນຫ້ອງຮຽນສູ່ການເຮັດວຽກໂຕຈິງ ແຕ່ທຸກຄົນຮູ້ຫຼືບໍ່ວ່າການຝຶກງານບໍ່ແມ່ນພຽງແຕ່ເປັນການລົງປະຕິບັດວຽກຕົວຈິງເພື່ອປະເມີນ ແລະ ເກັບຄະແນນໃນວິຊາຮຽນເທົ່ານັ້ນ ແຕ່ຖ້າຫາກເຮົາໄດ້ເຂົ້າໃຈຄວາມສຳຄັນຂອງການລົງຝຶກງານ ແລະ ສິ່ງທີ່ເຮົາຈະໄດ້ຮັບຈາກການຝຶກງານເຮົາກໍຈະສາມາດໃຊ້ຊ່ວງເວລາທີ່ກຳລັງລົງຝຶກງານຢູ່ນັ້ນຮຽນຮູ້, ເກັບກ່ຽວປະສົບການເພື່ອນຳມາໃຊ້ປະໂຫຍດໄດ້ເຕັມທີ່ເປັນຕົ້ນແມ່ນການ Upskills ຫຼື ການເພີ່ມທັກສະລະຫວ່າງການຝຶກງານ ເຊິ່ງທັກສະຫຼັກໆທີ່ເຮົາຈະໄດ້ຮັບຈາກການຝຶກງານກໍຈະໄດ້ແກ່:

1. ທັກສະ Hard Skills

ທັກສະ Hard Skills ໝາຍເຖິງທັກສະທີ່ຈຳເປັນສຳລັບການເຮັດວຽກສະເພາະເຊິ່ງຕ້ອງຜ່ານການຝຶກອົບຮົມທັກສະ, ການຮຽນຮູ້ ຫຼື ຈາກການຝຶກຝົນ ແລະ ສັ່ງສົມປະສົບການ ເຊິ່ງທັກສະ Hard Skills ກໍໄດ້ແກ່:

· ທັກສະດ້ານພາສາ: ການນຳໃຊ້ພາສາຕ່າງປະເທດ, ການສື່ສານ, ການຂຽນ, ການເວົ້າ...

· ທັກສະດ້ານທຸລະກິດ: ການຂາຍ, ການເງິນ, ການບໍລິຫານຈັດການ, ການຕະຫຼາດ...

· ທັກສະດ້ານສິນລະປະ: ການຖ່າຍຮູບ, ການແຕ້ມຮູບ, ການອອກແບບກຣາຟຟິກ, ການຫຼິ້ນດົນຕີ...

· ທັກສະດ້ານເຕັກນິກ: ການຂຽນໂປຣແກຣມ, ການອອກແບບ, ການຜະລິດ...

· ທັກສະການໃຊ້ເຕັກໂນໂລຊີ: ການນຳໃຊ້ເຄື່ອງມືອຸປະກອນເຕັກໂນໂລຊີທີ່ກ່ຽວຂ້ອງກັບສາຍວຽກທີ່ເຮັດເຊັ່ນ: ທັກສະການນຳໃຊ້ໂປຣແກຣມຄອມພິວເຕີ້, ໂປຣແກຣມບໍລິຫານການຂາຍ, ໂປຣແກຣມການອອກແບບຕັດຕໍ່...

ໃນການຝຶກງານເຮົາຈະມີໂອກາດໄດ້ລອງນຳໃຊ້ທັກສະເຫຼົ່ານີ້ເຂົ້າໃນປະຕິບັດໜ້າວຽກໂຕຈິງ ເຊິ່ງຈະຊ່ວຍໃຫ້ເຮົາໄດ້ຝຶກຝົນໜ້າວຽກຈົນມີມີຄວາມຄຸ້ນເຄີຍ ແລະ ມີຄວາມຊຳນານໃນວຽກນັ້ນໆຫຼາຍຂຶ້ນ

2. ທັກສະ Soft Skills

ທັກສະ Soft Skills ຫຼື ທັກສະທາງສັງຄົມ ທີ່ຕ້ອງໃຊ້ໃນການມີປະຕິສຳພັນກັບຜູ້ຄົນ ທັງບຸກຄະລິກກະພາບ, ແນວຄິດ, ທັດສະນະຄະຕິ ເຖິງຈະເປັນທັກສະທີ່ບໍ່ກ່ຽວຂ້ອງກັບສາຍວິຊາຊີບແຕ່ກໍເປັນທັກສະທີ່ຈຳເປັນຫຼາຍໃນການເຮັດວຽກຮ່ວມກັບຜູ້ອື່ນເຊັ່ນ:

· ທັກສະການສື່ສານ: ການຕິດຕໍ່ສື່ສານກັນລະຫວ່າງຄົນອົງກອນ ລວມໄປເຖິງບຸກຄົນຈາກພາຍນອກ ຈະຊ່ວຍໃຫ້ເຮົາໄດ້ຝຶກຝົນທັກສະການສື່ສານ ທັງການເວົ້າ, ການຂຽນ ແລະ ການຟັງ.

· ທັກສະການເຮັດວຽກເປັນທີມ: ການເຮັດວຽກຮ່ວມກັບຜູ້ອື່ນກໍຈະຊ່ວຍຝຶກທັກສະການເຮັດວຽກເປັນທີມໃຫ້ແກ່ເຮົາທັງເລື່ອງການສື່ສານກັບຄົນໃນທີມ, ການລະດົມແນວຄິດ, ການຕັດສິນໃຈຮ່ວມກັນ ແລະ ການແກ້ໄຂບັນຫາຮ່ວມກັນ.

· ທັກສະການບໍລິຫານເວລາ: ໄດ້ຝຶກຝົນການບໍລິຫານຈັດການເວລາໃນການເຮັດວຽກໃຫ້ມີປະສິດທິພາບ ລວມໄປເຖິງການວາງແຜນ ແລະ ການຈັດລຳດັບຄວາມສຳຄັນຂອງໜ້າວຽກຕ່າງໆ

· ທັກສະການຄິດວິເຄາະ: ການທີ່ໄດ້ລອງປະຕິບັດໜ້າວຽກຕົວຈິງຈະຊ່ວຍໃນນ້ອງໄດ້ຝຶກຄິດຢ່າງມີລະບົບໂດຍໃຫ້ຕັກກະ ແລະ ເຫດຜົນ ໃນການວາງແຜນເຮັດວຽກຕ່າງໆ

· ທັກສະການຕັດສິນໃຈ: ການເຮັດວຽກຕົວຈິງນັ້ນຫຼີກລ່ຽງບໍ່ໄດ້ທີ່ຈະຕ້ອງໄດ້ໃຊ້ການຕັດສິນໃຈກ່ອນລົງມືເຮັດໜ້າວຽກແຕ່ລະຢ່າງ ເຊິ່ງຈະຊ່ວຍຝຶກໃຫ້ເຮົາມີຄວາມສາມາດໃນການເລືອກທາງເລືອກທີ່ດີທີ່ສຸດຈາກຕົວເລືອກທີ່ເປັນໄປໄດ້ຫຼາຍທາງໂດຍຕ້ອງຄຳນຶງເຖິງຜົນທີ່ອາດຈະເກີດຂຶ້ນ

· ທັກສະການແກ້ໄຂບັນຫາ: ການທີ່ຕ້ອງປະເຊີນໜ້າກັບສະຖານະການຕ່າງໆ ຈາກໜ້າວຽກທີ່ເຮົາເຮັດຈະຊ່ວຍໃຫ້ເຮົາໄດ້ຝຶກຝົນໃນການແກ້ໄຂບັນຫາສະເພາະໜ້າໄດ້ດີຂຶ້ນ ແລະ ຫາທາງອອກທີ່ເໝາະສົມໄດ້

· ທັກສະການຮຽນຮູ້: ເຮົາຈະມີໂອກາດໄດ້ຝຶກຝົນທັກສະການຮຽນຮູ້ໜ້າວຽກໃໝ່ໆທີ່ບໍ່ເຄີຍເຮັດ ແລະ ສາມາດຮຽນຮູ້ສິ່ງໃໝ່ໆໄດ້ຢ່າງວ່ອງໄວໂດຍສາມາດຮຽນຮູ້ສິ່ງໃໝ່ໆໄດ້ຢ່າງວ່ອງໄວ ແລະ ນຳເອົາຄວາມຮູ້ໄປໃຊ້ໄດ້ຢ່າງມີປະສິດທິພາບ

· ທັກສະການປັບຕົວ: ການທີ່ເຮົາເຄີຍມີປະສົບການຝຶກງານກັບບໍລິສັດຕ່າງໆມາກ່ອນແລ້ວ ຈະຊ່ວຍສາມາດຮັບມື ແລະ ປັບຕົວເຂົ້າກັບສະຖານະການໃໝ່ໆໄດ້ຢ່າງວ່ອງໄວ ບໍ່ວ່າຈະເປັນການປັບໂຕກັບອົງກອນໃໝ່, ໜ້າວຽກ ຫຼື ສະຖານະການທີ່ບໍ່ຄາດຄິດໄດ້ດີກວ່າຄົນອື່ນ

3. ປະໂຫຍດອື່ນໆທີ່ຈະໄດ້ຮັບຈາກການຝຶກງານ

ນອກຈາກທັກສະດ້ານການເຮັດວຽກທັງ Hard Skills ແລະ Soft Skills ແລ້ວ ຍັງມີຜົນປະໂຫຍດອີກຫຼາຍຢ່າງທີ່ເຮົາຈະໄດ້ຮັບຈາການຝຶກງານບໍ່ວ່າຈະເປັນ...

· ການສ້າງເຄືອຂ່າຍ: ການຝຶກງານຈະເຮັດໃຫ້ເຮົາໄດ້ມີໂອກາດຮູ້ຈັກ ແລະ ສ້າງຄວາມສຳພັນກັບເພື່ອນຮ່ວມງານໃໝ່ໆ ທີ່ອາດຈະກາຍເປັນໝູ່ເພື່ອນ, ອ້າຍ, ເອື້ອຍ, ນ້ອງ ທີ່ຮັກແພງຊ່ວຍເຫຼືອກັນໃນອານາຄົດ

· ການຄົ້ນພົບຕົນເອງ: ການທີ່ໄດ້ຝຶກງານ ແລະ ລອງເຮັດວຽກຫຼາຍໆຢ່າງອາດຈະເຮັດໃຫ້ເຮົາໄດ້ຄົ້ນພົບທັກສະໃໝ່ບາງຢ່າງ ຫຼື ສິ່ງທີ່ເຮົາອາດຈະເຮັດໄດ້ດີແບບທີ່ບໍ່ເຄີຍຄິດມາກ່ອນ ລວມເຖິງອາດໄດ້ພົບວຽກທີ່ເໝາະສົມ ຫຼື ບໍ່ເໝາະສົມກັບໂຕເຮົາຜ່ານການຝຶກງານ

· ການພັດທະນາທັດສະນະຄະຕິ: ການທີ່ຕ້ອງເຈິກັບໜ້າວຽກ ແລະ ເຮັດວຽກຮ່ວມກັບຜູ້ຄົນຫຼາກຫຼາຍໃນອົງກອນຢູ່ຕະຫຼອດ ຈະຊ່ວຍປັບທັດສະນະຄະຕິໃນການເຮັດວຽກຮ່ວມກັັບຜູ້ອື່ນໄດ້ດີຂຶ້ນ

· ການເພີ່ມພູນປະສົບການ: ການຝຶກງານເປັນໂອກາດທີ່ດີທີ່ສຸດທີ່ເຮົາຈະໄດ້ເກັບກ່ຽວປະສົບການໃນໂລກການເຮັດວຽກກ່ອນຮຽນຈົບໄດ້ຢ່າງເຕັມທີ່ ອີກທັງຍັງສ້າງຂໍ້ໄດ້ປຽບໃຫ້ແກ່ເຮົາໃຫ້ການສະໝັກວຽກໃນອານາຄົດ ຍ້ອນເຮົາຈະມີປະສົບການ ແລະ ມີຄວາມຄຸ້ນເຄີຍກັບວຽກທີ່ເຮັດຫຼາຍກວ່າຜູ້ທີ່ບໍ່ເຄີຍຜ່ານການຝຶກງານມາເລີຍ.

· ເພີ່ມໂອກາດໃນການຊອກວຽກ: ຖ້າໃນລະຫວ່າງການຝຶກງານນັ້ນ ຫາກເຮົາສາມາດສ້າງຜົນງານໄດ້ດີ ແລະ ສາມາດສະແດງສັກກາຍຍະພາບອອກມາໃຫ້ແກ່ບໍລິສັດເຫັນໄດ້ນັ້ນ ກໍມີໂອກາດສູງທີ່ທາງບໍລິສັດຈະສະເໜີໂອກາດໃນການເຮັດວຽກໃຫ້ເຮົາ

· ຮຽນຮູ້ວັດທະນະທຳອົງກອນ: ສິ່ງສຳຄັນທີ່ເຮົາຈະໄດ້ຈາກການຝຶກງານກໍຄື ການໄດ້ສຶກສາວັດທະນະທຳການເຮັດວຽກຂອງອົງກອນຕ່າງໆ ເພາະແຕ່ລະອົງກອນກໍມີວັດທະນະທຳການເຮັດວຽກບໍ່ຄືກັນ ເຊິ່ງຈະເຮັດໃຫ້ເຮົາຈະໄດ້ຮູ້ເລື່ອງວັດທະນະທຳອົງກອນແຕ່ລະອົງກອນ ຊ່ວຍໃຫ້ຮົາຄົ້ນພົບວ່າຮູບແບບການເຮັດວຽກທີ່ເໝາະສົມກັບໂຕເຮົາເອງ ພ້ອມທັງເປັນການຝຶກຄວາມສາມາດໃນການປັບໂຕໃຫ້ເຂົ້າກັບອົງກອນນັັ້ນໆ

ທັກສະຕ່າງໆຈາກທີ່ເຮົາໄດ້ກ່າວມາບໍ່ວ່າຂະເປັນ ທັກສະດ້ານ Hard Skills ແລະ ທັກສະດ້ານ Sotf Skills ຖືເປັນທັກສະທີ່ສຳຄັນຫຼາຍຕໍ່ການເຮັດວຽກໃນອານາຄົດ ເຊິ່ງການທີ່ເຮົາຈະສາມາດເຮັດວຽກໄດ້ດີນັ້ນ ເົຮາຈຳເປັນຕ້ອງມີທັງ Hard Skills ແລະ Sotf Skills ຄວບຄູ່ກັນໄປ. ການຝຶກງານກໍຖືເປັນໂອກາດສຳຄັນທີ່ເຮົາຈະໄດ້ຝຶກຝົນທັກສະເຫຼົ່ານີ້ ໂດຍສະເພາະແມ່ນ ທັກສະດ້ານ Sotf Skills ທີ່ຕ້ອງໄດ້ພັດທະນາຜ່ານການເຮັດວຽກຮ່ວມກັບຜູ້ອື່ນ ນອກຈາກນີ້, ການຝຶກງານຍັງຊ່ວຍໃຫ້ເຮົາໄດ້ຝຶກຄວາມສາມາດໃນການເຂົ້າສັງຄົມ ແລະ ເຮັດວຽກຮ່ວມກັບຜູ້ອື່ນໄດ້ດີຂຶ້ນ ໂດຍສະເພາະແມ່ນການເຮັດວຽກເປັນທີມ ອີກທັງຍັງເປັນການສະສົມປະສົບການເຮັດວຽກທີ່ຈະເປັນປະໂຫຍດແກ່ເຮົາໃນການເຮັດວຽກ ຫຼື ສະໝັກວຽກໃນອານາຄົດ.

‍

ການຝຶກງານ Upskills ຫຍັງໄດ້ແນ່?