ແບ່ງປັນປະສົບການຝຶກງານທີ່ VIPO ກັບນ້ອງຂັນພອນ ວັງສີບູນ ( ປິກ ) ແລະ ນ້ອງພຸດທິສັກ ພັນນະລາສີ ( ບີ້ )

VIPO ພື້ນທີ່ຊອກວຽກສຳລັບນັກສຶກສາ

ຊ່ວງແບ່ງປັນປະສົບການຝຶກງານ ທີ່ VIPO ກັບນ້ອງຂັນພອນ ວັງສີບູນ ( ປິກ ) ແລະ ນ້ອງພຸດທິສັກ ພັນນະລາສີ ( ບີ້ ) ນັກສຶກສາຝຶກງານຈາກ VIPO

1. ແນະນຳຕົວເອງສັ້ນໆ ( ຊື່ນາມສະກຸນ, ຮຽນຢູ່ໃສ, ເຮັດວຽກຫຍັງຢູ່ໃສ )

ປິກ: ສະບາຍດີ ນ້ອງຊື່ ຂັນພອນ ວັງສີບູນ ( ປິກ ) ປະຈຸບັນຮຽນສຶກສາຢູ່ທີ່ສະຖາບັນເຕັກໂນໂລຊີການສື່ສານຂໍ້ມູນ ແລະ ຂ່າວສານ ປີທີ3 ສາຂາ ICT ກສຶກສາຝຶກງານ ຝ່າຍ Company Coordinatorບີ້: ສະບາຍດີ, ນ້ອງຊື່ ພຸດທິສັກ ພັນນະລາສີ ( ບີ້ ) ປະຈຸບັນຮຽນຢູ່ສະຖາບັນເຕັກໂນໂລຊີສຸດສະກະ ປີທີ3 ສາຂາບໍລິຫານທຸລະກິດ, ຕອນນີ້ເຮັດວຽກຢູ່ VIPO ໃນຕຳແໜ່ງ ນັກສຶກສາຝຶກງານ ຝ່າຍ Marketing

2. ເປັນຫຍັງຈຶ່ງເລືອກມາຝຶກງານຢູ່ VIPO? 

ປິກ: ຍ້ອນວ່າຢາກໄດ້ປະສົບການຝຶກງານກ່ອນທີ່ຈະລົງຝຶກງານແທ້ເພື່ອໃຫ້ເຮົາໄດ້ຮູ້ວ່າການເຮັດວຽກ Office ເປັນແນວໃດ ແລະ ເຮົາຄວນປັບທັດສະນະຄະຕິໃນການເຮັດວຽກຮ່ວມກັບຄົນອື່ນແນວໃດ ຈຶ່ງຈະສາມາດເຮັດວຽກຮ່ວມກັບຄົນອື່ນໄດ້ຢ່າງມີປະສິດທິພາບບີ້: ເບື້ອງຕົ້ນແມ່ນເລີ່ມຈາກທີ່ທາງໂຮງຮຽນມີການຈັດການແຂ່ງຂັນ Start up ແລ້ວນ້ອງກໍໄດ້ມີໂອກາດໄດ້ເຂົ້າຮ່ວມການແຂ່ງຂັນ ເຊິ່ງໜຶ່ງໃນກຳມະການກໍມີ ອ້າຍ ແກ້ວວີສຸກ ດາລາສານ ຜູ້ກໍ່ຕັ້ງບໍລິສັດ 108Job ໂດຍອ້າຍແກ້ວກໍໄດ້ມີການເຂົ້າມາໂອ້ລົມ ແລະ ໃຫ້ຄຳແນະນຳຕ່າງໆແກ່ນ້ອງ ເດີມທີ່ນ້ອງກໍສົນໃຂໃນໂຕອ້າຍແກ້ວ ແລະ ເບິ່ງ IDOL ຢູ່ແລ້ວ ຈຶ່ງໄດ້ມີການແລກ Contact ທຳລາວໄວ້ ຈາກນັ້ນນ້ອງກໍຕິດຕໍ່ລາວເພື່ອຂໍຝຶກງານໃນ ບໍລິສັດ 108Job ແລ້ວກໍຖືກສະເໜີໃຫ້ມາຝຶກງານຢູ່ທີມ VIPO

3. ການຝຶກງານຢູ່ VIPO ເປັນແນວໃດ?

ປິກ: ຖືວ່າດີຫຼາຍເພາະເອື້ອຍອ້າຍຢູ່ VIPO ກໍເປັນມິດ ແລະ ຄອຍໃຫ້ຄຳແນະນຳຕ່າງໆໃນການເຮັດວຽກ , ມີຄວາມເປັນເປັນກັນເອງ ເຮັດໃຫ້ບໍ່ກົດດັນຫຼາຍໃນການເຮັດວຽກບີ້: ຖືວ່າດີເລີຍ ເພາະເປັນການຝຶກງານຄັ້ງແລກ ແລະ ເປັນການເຮັດວຽກໃນຮູບແບບ Office ເຊິ່ງນ້ອງກໍບໍ່ເຄີຍເຮັດຢູ່ໃສມາກ່ອນ ເອື້ອຍອ້າຍທຸກຄົນໃນ Office ກໍອັດຖະຍາໄສດີ, ມີຄວາມເປັນກັນເອງ, ເປັນເອື້ອຍອ້າຍທີ່ໜ້າຮັກ

4. ຜ່ານການຝຶກງານນ້ອງໆໄດ້ຮຽນຮູ້ຫຍັງແດ່?

ປິກ: ນ້ອງໄດ້ຮຽນຮູ້ຫຼາຍຢ່າງເລີຍ ໂດຍສະເພາະການປັບໂຕຢູ່ຮ່ວມກັບຜູ້ອື່ນ ລວມໄປເຖິງໄດ້ຝຶກທັກສະການສື່ສານທີ່ນ້ອງຍັງບໍ່ຖະໜັດບີ້: ຜ່ານການຝຶກງານມາ 2 ເດືອນນ້ອງກໍໄດ້ຮຽນຮູ້ຫຼາຍຢ່າງຕັ້ງແຕ່ວິທີການເຮັດວຽກ Office ການເຮັດວຽກແບບ Professionol ການໃຊ້ເຄື່ອງມືຕ່າງໆໃຫ້ດີຂຶ້ນກວ່າເກົ່າ ເຖິງວ່າບາງຢ່າງເຮົາຈະມີພື້ນຖານມາແລ້ວ ແຕ່ເອື້ອຍໆກໍໄດ້ສອນໃຫ້ນ້ອງນຳໃຊ້ເຄື່ອງມືເຫຼົ່ານີ້ໄດ້ດີຂຶ້ນ ແລະ ໄດ້ຮຽນຮູ້ທັກສະການສື່ສານ ເພາະການເຮັດວຽກຮ່ວມກັບຜູ້ອື່ນເຮົາຈຳເປັນຕ້ອງໄດ້ມີທັກສະການສື່ສານທີ່ສູງ ເຊິ່ງການຝຶກງານກໍເປັນການພັດທະນາທັກສະດ້ານນີ້ໄປນຳໃນໂຕ

5. ຂໍ້ດີ ແລະ ສິ່ງທ້າທາຍຂອງນ້ອງໆໃນການຝຶກງານມີຫຍັງແດ່? 

ປິກ: ຂໍ້ດີຄືເອື້ອຍອ້າຍມີຄວາມເປັນກັນເອງຈຶ່ງໃຫ້ຄວາມຮູ້ສຶກເປັນຄອບຄົວ ແລະ ເຮັດວຽກແບບບໍ່ກົດດັນ ສິ່ງທ້າທາຍຄືໂຕນ້ອງເອງທີ່ເຮັດວຽກຂ້ອນຂ້າງຊ້າ ແລະ ສື່ສານຍັງບໍ່ຄ່ອຍເກັ່ງ ຈຶ່ງຕ້ອງໄດ້ພະຍາຍາມປັບປຸງໂຕເອງຕື່ມບີ້: ຂໍ້ດີກໍຄືໄດ້ປ່ຽນທັດສະນະຄະຕິຕົນເອງໄປໃນທາງທີ່ດີຂຶ້ນເລື່ອງໃດທີ່ເຮົາຄິດວ່າຍັງບໍ່ຮູ້ກໍໄດ້ຮູ້ຢູ່ບ່ອນນີ້ເລີຍ ສ່ວນສິ່ງທ້າທາຍໜ້າຈະເປັນເລື່ອງຂອງເວລາຫຼາຍກວ່າ ເພາະຕົນເອງກໍເຮັດຫຼາຍຢ່າງເລີຍຄິດວ່າອາດຈະເຮັດວຽກຂອງ VIPO ໄດ້ບໍ່ເຕັມທີ່ ແຕ່ກໍຍັງຂະຫຍັນຂັນແຂງຄືເກົ່າ

6. ຄິດວ່າການຝຶກງານຈຳເປັນຫຼາຍຊ່ຳໃດກັບນັກສຶກສາໃນປະຈຸບັນ?

ປິກ: ຄິດວ່າຈຳເປັນຫຼາຍເພາະດຽວນີ້ສ່ວນໃຫຍ່ຄວນຈະຮຽນຮູ້ກ່ອນວ່າກ່ອນຈະໄປຝຶກງານເຮົາຕວນກຽມໂຕຫຍັງແນ່ ແລະ ເຮັດແນວໃດທີ່ຈະຢູ່ຮ່ວມກັບຄົນອື່ນໄດ້ດີ ເພື່ອກຽມພ້ອມສຳລັບການຝຶກງານ ຫຼື ການເຮັດວຽກໃນບ່ອນອື່ນບີ້: ຄິດວ່າສຳຄັນຫຼາຍເລີຍ ເນື່ອງຈາກວ່າ ນັກສຶກສາຫຼາຍຄົນອາດຈະບໍ່ໄດ້ເປັນສາຍກິດຈະກຳກໍເລີຍອາດຈະບໍ່ຄ່ອຍໄດ້ໄປເຂົ້າຮ່ວມກິດຈະກຳຕ່າງໆ ຖ້າມື້ໜຶ່ງເຮົາໄດ້ເຮັດວຽກແທ້ກໍອາດຈະປັບໂຕໄດ້ຍາກເພາະບໍ່ເຄີຍມີປະສົບການມາກ່ອນ ແລະ ຍັງບໍ່ສາມາດເຮັດວຽກຮ່ວມກັບຄົນອື່ນໄດ້ດີ ເຊິ່ງຄິດວ່າການຝຶກງານເປັນໃບເບີກທາງສູ່ຊີວິດຂອງການເຮັດວຽກ

7. ແນະນຳນ້ອງໆທີ່ກຳລັງຈະເລີ່ມຝຶກງານຄວນກຽມໂຕແນວໃດແດ່? 

ປິກ: ກ່ອນທີ່ຈະເລີ່ມຝຶກງານ ຄວນຈະເລີ່ມສຶກສາຫາຂໍ້ມູນກ່ຽວກັບບ່ອນທີ່ເຮົາຈະຝຶກງານໃຫ້ດີເພື່ອຈະໄດ້ກຽມຄວາມພ້ອມໃນການຝຶກງານໄດ້ເຕັມທີ່ບີ້: ທຳອິດເລີຍຄືເຮົາຕ້ອງຮູ້ຈຸດປະສົງ ແລະ ເປົ້າໝາຍຂອງຕົນເອງກ່ອນວ່າເຮົາຢາກຈະໄປໃນສາຍໃດ ຫຼື ຢາກເຮັດວຽກໃນສາຍໃດ ແລະ ເລືອກລົງຝຶກງານໃຫ້ກົງກັບສາຍທີ່ເຮົາຕ້ອງການ ຈາກນັ້ນກໍຄວນໄປສຶກສາບໍລິສັດ ຫຼື ອົງກອນທີ່ເຮົາສົນໃຈວ່າເຂົາເຈົ້າເັຮດກ່ຽວກັບຫຍັງ ຕ້ອງການຕຳແໜ່ງໃດແນ່